Beelihii ku dagaallamay deegaannada bariga Gobolka Mudug, gaar ahaan Towfiiq iyo Afbarwaado ayaa maanta lagu wadaa inay dhaqangeliyaan heshiiskii dhawaan ay kala saxiixdeen, iyagoo sameeyay guddi isku dhaf ah oo ka kooban labada dhinac.
Taliyaha ciidanka dhulka ee xoogga dalka Soomaaliya Jeneraal Cabdixamiid Maxamed Dirir oo ay wehliyaan saraakiil ka tirsan qeybta 21aad oo uu ugu horeeyo taliyaha qeybta 21aad ee ciidanka xoogga Jeneraal Cabdicasiis Cabdullaahi oo kulamo gaar gaar ah la yeeshay horjoogayaasha maleeshiyaadkii halkaasi ku dagaallamay ayaa ku guuleystay inay sameeyaan guddi isku dhaf ah.
Related posts
Guddiga isku dhafka ah ayaa ka koobanyihiin 12 xubnood oo labo ka mid ay yihiin ciidanka xoogga dalka, kuwaasi oo maanta kormeer ku tegaya deegaannadi lagu dagaallamay si loo kala qaado maleeshiyo beeleedkii halkaasi ku dagaallamay, isla markaana ay noqoto mid dhaqan gasha heshiiski ay wada gaareen labada dhinac.
