Guddiga joogtada ee Aqalka Sare BFS ayaa maanta yeeshay kulankoodii 4-aad ee Kalfadhiga labaad, waxaana shir Guddoomiyay Guddoomiye ku xigeenka labaad ee Aqalka Sare, Mudane Cabdullaahi Cali Xersi (Timacadde).
Ajandaha kulanka maanta ayaa ahaa Jadwalaynta Hindise sharciyeedyada Golaha horyaalla.
Xubnaha Guddiga joogtada oo dood dheer iyo falanqayn ka yeeshay dardar gelinta shaqada guddiyada iyo Jadwalaynta sharciyada Golaha horyaala, ayaa lagu go’aamiyay jadwal maalmo xiriir ah oo shaqo iyo saacado dheeraad ah si looga shaqeeyo sharciyada hortabinta leh, qeybna ka ah Barnaamijka deyn cafinta Dalka iyo kowo kale.
Guddoomiye Timacadde oo kulanka soo xiray ayaa faray guddoonka guddiyada Aqalka sare in ay dardar geliyaan shaqada guddiyada, ka hor inta aan la gaarin fasaxa Golaha Aqalka Sare.
