Guddiga Doorashadda Rugta Ganacsiga Puntland ayaa si rasmi ah u shaaciyay Liiska Shirkadaha ka qaybgalaya Codaynta Doorashadda rugta Ganacsiga iyo Warshadaha Puntland iyo Shuruudaha ganacsatada u tartamaysa Guddoonka Rugta.
Maxamuud Faarax Bile, Afhayeenka Guddiga Qabanqaabada Doorashada oo maanta Shir Jaraa’id ku qabtay Xarunta Rugta ganacsiga Puntland ee Bosaso ayaa sheegay in 111 Shirkadood ka soo xuleen Shirkadaha ka howlgala deegaamadda Puntland,kuwaasoo Xaq u yeeshay ka qaybgalka doorashadda Rugta.
Afhayeenku waxaa uu sheegay in 111 Shirkadood ee la soo xulay ay waafaqeen Qodobka Lr 7 oo ah Qodobka lagu asaasay Rugta Ganacsiga iyo Xeerkii Doorashooyinka Rugta oo la ansixiyay 30 Bishii November 2014”
“ Waxaanu go’aaminay in 111-ka Shirkadood ay xaq u yeesheen inay codeeyaan doorashada Guddoonka Rugta Ganacsiga Puntland, xulitaanka aanu xulnay, nin Jeclaysi kuma dhisnayn, wuxuu ku dhisnaa wixii ka waafaqay Qodobka Lr 7 iyo xeerka doorashooyinka Rugta” ayuu yiri.
Maxamuud Waxaa kaloo xusay in Shirkadaha ka qaybgalaya Codaynta Doorashadda Rugta Ganacsiga, laga doonayaa in yimaadaan Rugta ganacsiga si ay iskaga arkaan Liiska la soo dhejiyayay,islamarkaana Shirkadii uu ka dhacay Laysanku ay u cusboonaysiistaan.
111 Shirkadood, Laga Bilaabo 13 ilaa 17 December 2014 Waxaa laga rabaa inay ku booqdaan xarunta Rugta Ganacsiga iyo Warshadaha si ay iskaga arkaan Liiska la soo dhejiyay, islamarkaana cidii Laysanku uu ka dhacay ay u cusboonaysiistaan.
Shirkada Kasta Waxaa laga rabaa inay bixiso Lacag dhan $100
Shirkadii ka dib dhacda ama aan fulin Shuruudaha Xaq u yeelan mayso inay Codayso, Waana la buuxinayaa Booskeeda
Geesta kale afhyeenku Waxaa uu sheegay in Ganacsadihii doonayaa inuu u tartamo Guddoomiyaha iyo K/xigeenka Rugta Ganacsiga Laga bilaabo maalinta Beri ah oo ku beegan 13 December 2014 uu yimaado Xarunta Ganacsiga Puntland oo uu buuxiyo shuuradaha u tartamaha doorashadda Rugta Ganacsiga.
1 U tartamaha Guddoomiyaha iyo K/xigeenka Rugta Ganacsiga Laga bilaabo 13 Dec ilaa 20 Dec 2014 waxaa laga rabaa inuu soo gudbiyo taariikh nololeedkiisa, codsi,laba sawir oo nooca Passport-ka.
2.U Tartamaha Guddoomiyaha Rugta Ganacsiga Puntland Waaa in uu Bixiyaa $2500
3.U Tartamaha Guddoomiye K/xigeenka Rugta Ganacsiga Puntland Waaa in uu Bixiyaa $1500
- U tartamaha aan xiligaas ku soo gudbin Documentigiisa oo ay ku lifaaqanyihiin Labo Sawir ma Noqonayo mid xaq u yeesha inuu Tartamo
Doorashadda Rugta Ganacsiga iyo Warshadaha Puntland oo la filayo inay dhacdo 25 Bishan December 2014, Waxayna ka dhici doontaa Magaalada Bosaaso, Waxaana ka qaybgali doonaa Ganacsatadda Reer Puntland ee ka shaqaysta Goboladda Dalka.
