Guddigga Arrimaha Dibadda ee Golaha Shacabka BJFS ayaa kulan la yeeshay Wasiirka Arrimaha Dibadda iyo Iskaashiga Caalamiga Abshir Cumar Jaamac Haruuse.
Kulanka oo uu shir guddoominaayay Guddoomiyaha Guddigga Arrimaha Dibadda Xildhibaan Cabdulaahi Bidhaan Warsame ayaa looga hadlay xoojinta wadashaqeynta Guddiga iyo Wasaaradda iyo sidoo kale in Wasaaradda soo gudbiso qorsho howleedkeeda.
Xubnaha guddigga ayaa su’aalo la xarriiro shaqada wasaaradda weydiiyay Wasiir Abshir Cumar Jaamac Haruuse oo uu waheliyo Wasiir ku-xigeenka Wasaaradda Xildhibaan Isaaq Fanax, Xoghaye Joogtada Wasaaradda iyo Howlwadeenno ka socday Wasaaradda.
Wasiirka ayaana ka jawaabay dhamaaan su’aalihii ay weydiiyeen xubnaha guddigga Arrimaha Dibadda, waxaana kulanka guddiga iyo wasaaradda uu kusoo dhamaaday is afgarad iyo in ay dhex marto wada shaqeyn buuxda.
