Guddigga Qorsheynta, Maaliyadda iyo Miisaaniyadda ee Golaha Shacabka ayaa shalay oo 14-kii bishan ah u tegay safar shaqo magaalada Kigali, ee dalka Rwanda si ay u turxaan-bixiyaan xeerka Istaatistikada Soomaaliya ee hor yaal Golasha Shacabka, kaas oo muhiim u ah arruurinta, kaydinta iyo shaacinta xogta Jamhuuriyadda Federaalka Soomaaliya.
Safarkaan shaqo oo ay soo qaban-qaabisay Wasaaradda Qorshentna, Maalgashiga iyo Horumirinta Dhaqaalaha ayaa inta uu socdo guddigu ku dersi doonaan shuruuc kale sida habraaca miisaaniyadda, isla-xisaabtanka iyo doorka tirakoobka ay ku leedahay qoondadda miisanyidda.
Maanta oo ahayd bilowgii safarka shaqo ayaa guddigu soo booqday Machadka Istaatistikada Qaranka dalka Rwanda iyo xarunta Baarlamaanka Rwanda, halkaas oo uu kula yeeshay kulamo guddiga dhiggiisa ah iyo madaxda machadka.
Safarkaan shaqo ayaa dhanka Wasaaradda waxaa hoggaaminaya Wasiir Ku-xigeenka Wasaaradda Qorsheynta Qaranka, Xildhibaan Fahmo Axmed Nuur oo ay wehiliyaan Xoghayaha Joogtada iyo Agaasima Guud ee Agaasinka Istaatistikada.
Guddoomiyaha Guddiga Qorsheynta , Maaliyadda iyo Miisaaniyadda Golaha Shacabka Baarlamaanka Federaalka Soomaaliya, Mudane Maxamuud Siraaji ayaa sheegay in ahmiyadda ugu weyn ee safarkan shaqo uu yahay turxaan bixinta xeerka Istaatistikada Soomaaliya ee horyaalla Golasha Shacabka oo muhiimad wayn u leh dalkeena.
“Muhiimada ayaa ah in aan durusno xeerka Istaatisikada Soomaaliya, annaga oo eegayna kan dalka Rwanda si aan ugu qaadano aragti iyo waayo aragnimo ah, guddiiga kale ee dhigeena wax ay noo soo bandhigeen Miisaaniyadda dalkan Rwanda iyo hanaanka loo diyaariyay sida korjoogteynta, xisaab xirka, Wasaaradda Qorsheynta Qaranka dalka wax ay qaadatay talaabo wanaagsan oo aan ku odarasnay ahmiyadd xeerka Istaatikada u leeyahay dalka.” ayuu yiri Xildhibaan Maxamuud Siraaji guddoomiyaha Guddiga Qorsheynta, Maaliyadda iyo Miisaaniyadda ee Golaha Shacabka.
Wasiir Fahma Axmed Nur ayaa bogaadisay guddiga, iyada-oo diiradda saartay sida ay u kala faa’iideysan lahayeen hay’addaha sharci dejinta dalka Rwanda iyo kan Soomaaliya.
Inta ay ku suganyahiin guddiiga Qorsheynta, Maaliyadda iyo Miisaaniyadda Soomaaliya ayaa fiiri doona xeerka Istaatistikada, heygalkiisa iyo gunta hoose sharciga ahmiyadda dalka u leeyahay.
