Guddoomiyaha Baarlamaanka Federalka ah ee Soomaaliya mudane Maxamed Sheekh Cismaan Jawaari ayaa Xildhibaannada baarlamaanka iyo shacabka Soomaaliyeed uga tacsiyadeeyay geeriga ku timid Xildhibaan Maxamed Ibraahim Xaabsame ooo ka mid ahaa mudanayaasha Baarlamaanka.
“Innaa Lillaahi Wa inaa Ilayhu Raajicuun, geeridu waa xaq, waxaana tacsi u dirayaa qoyskii, Baarlamaanka, asxaabtii iyo shacabka Soomaaliyeed geeridii ku timid Marxuum Maxamed Ibraahim Xaabsame oo ka mid ahaa baarlamaanka oo xalay Muqdisho ku geeriyooday, una adeegayey shacabka iyo dalkiisa. Samir iyo Iimaan EEBBE ha naga wada siiyo, isagana Janaddii fardowsa ALLAHA ka waraabiyo. AAMIIN.” Ayuu yiri Prof Jawaari.
Guddoomiyaha Baarlamaanka ayaa xusay in marxuumka uu in muddo ah ku soo jiray siyaasadda Soomaaliya, isla markaana ahaa xubin fir fircoon oo dhanka maamulka iyo maareynta ku haboon, waxaana Xildhibaannada ku wargeliyay inay jirto qaban qaabada aaska Marxuumka.
DAAWO
