Guddoomiyaha ardayda Soomaaliyeed ee dalka Suudaan Maxamuud Cabdullaahi Jeesto oo la hadlay Warbaahinta Qaranka ayaa ardayda Soomaaliyeed ee ku nool dalka suudaan ku booriyey inay ilaaliyaan sharciga cusub ee ay dowladda ku soo rogatay wadanka.
Sidoo kale waxa uu sheegay Guddoomiyuhu in la ilaaliyo sharciga iyo qawaaninta dalka, kaas oo lagaga hortagayo lagagana Gaashaamanayo ka hortaga cudurka Coronavirus inuu ku faafo dalka suudaan oo caalamku la daala dhacayo.
Related posts
Dhanka kale waxa uu guddoomiyuhu faray in qofkii isaga shakiya xanuunka uu si deg-deg u tego xarumaha dowladdu u diyaarisay in dadka lagu baaro, laguna xakameeyo, madama saddexda kiis ee ugu horeyey laga diwaan galiyey cudurka Coronavirus dalka suudaan..
Cudurka Coronavirus ayaa sababay dhimasho kumaan kun oo qof oo daafa caalamka ku kala nool, waana virus si fudud isaga talaabaya Qaarad ka Qaarad, hadii aan la raacin talooyinka ay bixinayaan hayโadaha caafimaadka.
Dowladda Suudaan ayaa soo rogtay awaamir hor, leh kuwaas oo ay kimid yihiin in laga bilaabo sideedda habeenimo ilaa lixda subaxnimo aan laga soo bixin guryaha, bandowgan ayaa la sheegay inuu soconayo muddo labaatan iyo kow maalmood ah walow la ogayn halka xaalka cudurka ku dambayn doono.
Wadankan Suudaan oo ah wadan ay wax ka bartaan arday Soomaaliyeed oo aad u fara-badan sidoo kale waxaa ku nool Jaaliyad walow ayna aad u badnayn marka loo eego ardayda, waxaana hadda wadanka Suudaan laga diwaan galiyey saddex kiis oo cudurka Coronavirus la xiriirta.
