kulankani Guddooomiyaha golaha shacabka Soomaaliya mudane Maxamed Sheekh Cusmaan Jawaari uu la qaatay safiirka cusub ee dowladda Norway ay u magacowday Soomaaliya Mr. Victor Conrad Rønneberg ayaa waxa ay kaga wada hadleen arrimo kale duwan oo la xiriira xoojinta xiriirka Soomaaliya iyo Norway.
kulanka oo qaatay waqti badan ayaa waxaa guddoomiyaha baarlamaanka Jamhuuriyadda Soomaaliya iyo Safiirka Dowladda Norway ay ka wada hadleen dar dargalinta taageerada Norway ay siiso Soomaaliya sida gar gaarka bini’aadanimo,siyaasadda,dhaqaalaha,dib u dhiska hey’adaha Dowladda, iyo xoojinta xiriirka ka dhexeeya labada dal.
kulanka markii uu soo gabagaboobay kaddib ayaa waxaa si wada jir ah warbaahinta Qaranka Soomaaliyeed ula hadlay Guddoomiyaha golaha Shacabka iyo safiirka Dowladda Norway oo faah faahin ka bixiyay kulanka ay wada qaateen.
Safiirka Dowladda Norway ee Soomaaliya Mr. Victor Conrad Rønneberg ayaa ku ammaanay Baarlamaanka Dalka howlaha baaxada leh ay u qabteen dadka iyo dalka, isagoo sheegay in dowladiisu ay kaalin ka qaadan doonto taageerada baarlamaanka Soomaaliya islamarkaana uu aad ugu faraxsanyahay kulanka uu la qaatay afhayeenka golaha shacabka.
Guddoomiyaha Baarlamaanka Jamhuuriyadda Federaalka Soomaaliya mudane Maxamed Sheekh Cusmaan Jawaari ayaa isna ku ammaanay Dowladda Norway taageerada Soomaaliya ay siiso, isagoo sheegay in dowladaasi ay ka mid tahay dowladaha deeq bixiyaasha ee dadka iyo dalka taageera.
Dowladda Norway ayaa Soomaaliya ka taageerta arrimo kale duwan, iyadoo mashaariicyo ka wada dalka.
