Guddoomiyaha Baarlamaanka Hirshabeelle Mudane Cabdixakiin Luqmaan Xaaji Maxamed ayaa si diiran loogu soo dhaweeyay garoonka diyaaradaha caaalamiga ah ee Aadan Cadde, kadib markii uu ka soo laabtay socdaal shaqo oo uu ku tegay Dalka Turkiga.
Soo dhaweynta Guddoomiyaha Baarlamaanka Hirshabeelle waxaa ka qeyb galay xubno ka tirsan labada gole ee Hirshabeelle, Xildhibaanno ka tirsan Golaha shacabka ee Baaramaanka Federaalka Soomaaliya iyo masโuuliyiin kale.
Related posts
Guddoomiyihii hore ee Baarlamaanka Hirshabeelle Sheekh Cismaan Barre iyo Xildhibaan Cabdifataax Caddow oo ka mid ah Baarlamaanka Hirshabeelle ayaa sheegay inay aad ugu faraxsanyihiin soo dhaweynta Guddoomiye Cabdixakiin Luqmaan.
Xildhibaan Daahir Amiin Jeesow oo ka mid ah mudanayaasha Golaha Shacabka ayaa u jeediyay Guddoomiyaha Baarlamaanka Hirshabeelle in uu ka faaโiideysato rabitaanka ay u hayaan shacabka Hirshabeelle, isla markaana uu ka shaqeeyo horumarinta deegaannada Hirshabeelle.
Cabdixakiin Luqmaan Xaaji Maxamed Guddoomiyaha Baarlamaanka Hirshabeelle ayaa ka mahadceliyay soo dhaweynta diiran ee loo sameeyay, waxaana uu intaa ku daray in maalmaha soo socda uu dalka galayo doorasho, uuna Alle ka baryayo in uu si nabad ah ugu soo dhameeyo.
