Bulshada Soomaaliyeed ee ku nool magaalada Gothenburg ee caasimadda labaad Dalka Sweden ayaa maanta si weyn ugu dabaal degtay munaasabadda Ciidul Adxa, iyadoo dadka oo faraxsan ay isugu soo baxeen wadooyinka iyo Masaajidda magaladaas ku yaala.
Sheekh Yuusuf oo ah Imaamka Guud ee Masjidka Sunni center ee magaalada Gothenburg ayaa bulshada Muslimiinta gaar ahaan shacabka Soomaaliyeed ee daka Sweden ugu hambalyeeyay munaasabadda ciidda Carafo, isagoo ugu baaqay in Jaaliyaddu ay iscaawiyaan, isla markaana intooda wax Alle siiyay ay baxsadaan sadaqo.
Qaar ka mid ah Jaaliyadda Soomaaliyeed oo la hadlay Warbaahinta Qaranka ayaa sheegay inay aad ugu faraxsanyihiin weyneynta munaasabadda ciidda Carafo, maadaama dalka Sweden uu ka mid ahaa dalalkii uu sameeyay cudurka COVID-19 oo galaaftay nolosho dad badan oo Sweden ku nool.
