Guddoomiyaha Golaha Shacabka Jamhuuriyadda Federaalka SoomaaliyaΒ Maxamed Sheekh Cusmaan Jawaari iyo wefdi uu hogaaminayo, ayaaΒ magaalada Kampala ee caasimadda dalka Uganda uga qeybgalayΒ Munaasabadda furitaanka Kalfadhiga 5aad ee Baarlamaanka Uganda.
Munaasabadda furitaanka Kalfadhiga Baarlamaanka Uganda oo lagu martiΒ qaaday Guddoomiyeyaasha Baarlamaannada dalalka Afrika ayaa waxaaΒ sanadkan uu ka gedisnaa sanadihii hore ayadoo goobtana lagu sooΒ bandhigay Baarlamaanka 9aad ee Uganda mudadii uu jiray, waxyaabaha uΒ qabsoomay iyo halka uu hiigsanayo.
Madaxweynaha dalka Uganda Uweri Museveni oo goobta ka jeediyey khudbadΒ dheer, ayaa waxa uu ka hadlay hormarka dalkiisa uu gaaray iyo dagaalkaΒ ay dalalka gobolka geeska afrika kula jiraan maleeshiyada kooxdaΒ Al-Shabaab oo uu tilmaamay in Uganda ay si aad ah uga feejigan tahay
xiligan weerarro uga yimaada dhanka argigixisada, sidoo kalena waxa uuΒ xusay in Dowladda Uganda ay sii wadi doonto dagaalka ka dhanka ahΒ Al-Shabaab.
Guddoomiyaha guddiga Xuquuqul Insaanka,haweenka iyo carruurta eeΒ Baarlamaanka Soomaaliya Xildhibaanad Maryan Aweys Jaamac oo ka mid ahΒ wefdiga Guddoomiyaha Baarlamaanka hogaaminayo, ayaa u sheegtayΒ warbaahinta in Munaasabadda intii lagu jiray uu Guddoomiye Jawaari laΒ kulmay Guddoomiyeyaasha Baarlamaannada kasoo qeybgalay.
Maalinnimada berrito ah haddii uu Alle idmo waxaa xarunta BaarlamaankaΒ dalka Uganda oo ku taala magaalada Kampala ka dhici doona kulan ayΒ wada yeelan doonaan Guddoomiyeyaasha Baarlamaannada Soomaaliya iyoΒ Uganda kaasi oo quseeya iskaashiga iyo xirirka sii xoogeysanaya eeΒ labada Baarlamaan.


















