Guddoomiyaha Baarlamaanka dowlad goboleedka Galmudug Mudane Cali Gacal Caris ayaa Mudanayaasha Baarlamaanka Galmudug ka dalbaday inay yimaadaan magaalada Dhusamareb ee Caasimada Galmudug si loo dhamaystiri howlaha horyaala kaddib markii uu maanta ka soo dagay Garoonka Ugaas Nuur ee Caasimada Galmudug .
Guddoomiyaha iyo Wafdigiisa ayaa waxaa soo dhoweeyey Madaxwayne ku-xigeenka Galmudug Mudane Maxamed Xaashi Cabdi, Xildhibaanno, Wasiiro iyo Qaybaha Bulshada soo dhowayn ka dib ayaa waxaa warbaahinta la hadlay Guddoomiyaha Degmada Dhusamareb Macallin Nuur Cilmi Cabdulle waxa uuna soo dhoweeyey Guddoomiyaha Baarlamaanka Galmudug Mudane Cali Gacal Casir.
Guddoomiye ku-xigeenka Labaad ee Baarlamaanka Galmudug mudane Maxamed Axmed Maalin ayaa waxa uu sheegay inay u imaadeen dhamaystirka heshiisyadii Gamudug iyo Ahlusuna inta ka dhiman.
Guddoomiyaha Baarlamaanka Galmudug Mudane Cali Gacal Caris ayaa waxa uu sheegay inuu Mudanayaasha Baarlamaanka Galmudug uu ka dalbanayo inay yimaadaan magaalada Dhusamareb si loo sii dhamaystiro Howlaha u yaala loona sii amba qaado dhamaystirka Heshiisyadii la wada galay.
By: Maxamed Cabdi
