Munaasibad ballaaran oo maanta lagu qabtay Degmada Dharkeenleey ayna ka qeybgaleen masuuliyiin ka tirsan maamulka Gobalka Banaadir iyo qeybaha bulshada ayaa waxaa maanta si buuxda Xilka maamulka Degmadaasi ula wareegay guddoomiyaha Cusub ee dhawaan la magacaabay Cumar Meyre Macoow
Guddoomiyihii Hore Ee Degmada Dharkenley Aadan Maxamed Cumar oo ka hadlay Munaasibadda Xil wareejinta ayaa xusay in mudadii uu xilka hayay ay u qabsoomeen waxyaabo badan oo la xiriira Hormarinta Degmada kuwaas oo ay kamid yihiin Deriseynta iyo Isdhexgalka Bulshada,Taasina uu uga mahadnaqayo bulshada deegaanka oo uu xusay in la’aantood aysan waxba u hirgaleen,Isagoo Tilmaamay in uu ku faraxsanyahay in uu maanta xilka Degmada ku wareejiyo Gudoomiyaha Cusub ee loo soo magacaabay.
Cumar Meyre Macoow Guddoomiyaha Cusub ee Degmada Ayaa isna dhinaciisa ka Mahad celiyay waxqabadkii iyo howlihii uu soo qabtay guddoonkii ka horeeyay, Waxa uu balan qaaday in uu meesha ka sii wadi doono howlihii la soo qabtay.
Guddoomiye Ku xigeenka Maamulka Gobalka Banaadir Ee Dhinaca Siyaasadda Maxamed Axmed Diiriye oo gunaanadkii Xilwareejinta Hadal ka jeediyay xafladda ayaa mahadnaq u jeediyay gudoomiyihii hore ee Degmadaasi iyo shaqada wanaagsan ee uu soo qabtay, Isagoo Sidoo kalana Karti iyo Hufnan in uu la yimaado kula dardaarmay Guddoomiyaha Cusub ee la soo magacaabay.
