Kulanka Wadatashiga ah ee Guddoomiyaha cusub ee Gobolka Banaadir ahna Duqa Magaalada Muqdisho Mudane Yuusuf Xuseen Jimcaale uu la qaatay Aqoonyahanada Magaalada Muqdisho ayaa ujeedkiisa uu ahaa inuu helo Talooyin wax ku ool ah oo ku saabsan sida Maamulka cusub uu wajahayo shaqooyinka horyaala.
Aqoonyahanada ayaa u gudbiyay Guddoomiyaha cusub Arimo kale duwan oo looga baahan yahay inuu wax ka qabto waxaana ka mid ah,Xoojinta Amniga,Barnaamijka Dariseynta,Horumarinta adeegyada bulshada iyo kaabayaasha dhaqaalaha Muqdisho.
Guddoomiyaha Gobolka Banaadir ahna Duqa Magaalada Muqdisho oo intaasi kadib hadalka qaatay ayaa u mahadceliyay Aqoonyahanadii uu la kulmay isagoona xusay in Maamulkiisa uu dhaqan galin doono talooyinka Aqoonyahanada.
Guddoomiyaha Gobolka Banaadir ahna Duqa Magaalada Muqdisho ayaa waxa uu kula dardaarmay Aqoonyahanadii uu la kulmay inay wacyagalin u sameeyaan shacabka oo ay ku dhiirigaliyaan Dowladnimada iyo ka shaqeynta nabadgalyada.
Guddoomiyaha cusub ee Gobolka Banaadir ahna Duqa Magaalada Muqdisho Mudane Yuusuf Xuseen Jimcaale oo la filayo in dhawaan uu xilka kala wareego gudoomiyihii hore Xasan Maxamed Xsueen Mungaab ayaa waxaa horyaala Howlo badan oo ay ka mid yihiin dardargalinta dib u soo celinta Bilicda Caasimada iyo Xoojinta Amniga Gobolka Banaadir.
