Guddoomiyaha Degmada Shangaani Aweys Sheekh Maxamed Aamiin ayaa uqu baaqay shacabka ku dhaqan Degmada inay dib u dhis ku sameeyaan guryahooda si looga qeyb qaato bilic soo celinta caasimadda.
Guddoomiye Aweys ayaa sheegay in Degmada Shangaani ay ka midtahay meelaha ugu amniga badan ee caasimadda, bulshadana ku dhaqan degmaduna looga fadhiyo inay dib u dhistaan guryahooda, isla markaana kuwa dalka dibadiisa ku maqan ay guryahooda dib ugu soo laabtaan, si loo soo celiyo bilicdii ay lahayd Shangaani.
Aweys Sheekh Maxamed Aamiin Guddoomiyaha Degmada Shangaani oo hadalkan ka jeediyay munaasabad uu Guddoomiyaha Gobolka Banaadir xariga kaga jarayay xarunta Dhallinyarada Gobolka oo laga hirgeliyay Degmada Shangaani ayaa tilmaamay in qofkasta oo ku nool Degmada looga baahanyahay inay kaalin ka qaataan horumarinta adeegyada bulshada.
“Waxaan rabaa inaan baaq u diro dadka leh guryaha ku yaala Shangaani, inay dib ugu soo laabtaan guryahooda oo ay dib u dhis ku sameystaan, maadaama degmadu ay ka midtahay meelaha ugu amniga badan ee caasimaadda”. ayuu yiri Guddoomiyaha Degmada Shangaani Aweys Sheekh Maxamed Aamiin.
