Guddoomiyaha Baarlamaanka dowlad Goboleedka Hirshabeele ayaa ka qayb galay munaasabad lagu xusayay sanad guurada aas aaska ciidamada Booliska Soomaliya.
Xuska 76 guurada ka soo wareegtay aas aaska ciidanka booliska aya waxaa ka qeyb galay madax ka tirsan dowlad Goboleedka Hirshabeelle, maamulka Gobolka Shabeelaha Dhexe iyo qeybaha bulshada kaasi oo lagu qabtay magaalada Jowhar, waxaana ciidanka boolikska ay goobta ku soo bandhigeen gaaddo ka yaar.
Qeybihii ka qeyb galay munaasabadda ayaa sanadkan kiise kale u rajeeyay in ay ku gaaraan Nabad iyo Baraare.
Ku-simaha Madaxweynaha Dowlad Goboleedka Hirshabeelle ahna Guddoomiyaha Baarlamaanka Hirshabeelle Sheekh Cismaan Barre Maxamed ayaa hambalyo u diray dhamaan ciidanka Booliska Soomaaliya meelkasta oo ay joogaan, isagoo ku booriyay inay xoojiyaan ilaalinta sharciga.
“20-December ee sanadkii 1943 waa 76 guurada ka soo wareegtay aas aaska ciidanka booliska marka hore saraakiisha, saraalkii xigeenada, dableyda iyo Alifleyda waxaan leeyahay hambalyo waa sanad guuradiina dhamaan ciidanka booliska, gaar ahaan waxaan hambalyadaas u dirayaa waa ciidanka booliska ee ku sugan meelkasta oo ka tirsan Hirshabeelle, booliska waa ilaaliyaha sharciga”ayuu yiri Afhayeenka Baarlamaanka Hirshabeelle Cismaan Barre.
