Gudoomiyaha Gobolka Baay Mudane Cabdirashiid Cabdullahi Maxamed ayaa sheegay in shanta degmo ee gobolka loo diyaariyay ciidamado gaar ah oo ka shaqeeya amniga, kuwaasi oo uu tilmaamay in dhawaan ay howlgeli doonaan.
Mudane Cabdirashiid Cabdullahi Maxamed oo la hadlay Warbaahinta Qaranka ayaa tilmaamay in dhawaan tababbaro loo soo xiray cutubyo ka tirsan ciidanka daraawiishta, kuwaasi oo uu xusay in ka qeyb qaadan doonaan howlgallada degmooyinka qaar looga sifenayo Al-Shabaab.
Gudoomiyaha Gobolka Baay waxa uu sheegay in Gobolka laga dareemayo horumar balaaran oo dhanka arrimaha bulshada ah, waxaana uu Tilmaamay in dhawaan ay bilaabeen dhismaha waddo muhiim ah oo bartamaha magaaalada Baydhabo ku taallo, isagoo ku baaqay in laga qeyb qaato dib u dhiska xarumaha danta guud iyo waddooyinka magaalada.
Guddoomiyaha Gobolka Baay Cabdirashiid C/llaahi Maxamed oo howlo shaqo u jooga magaalada Muqdisho ayaa tilmaamay in shirka dhawaan lagu qabtay Muqdisho ee looga hadlayay dhismaha dowladaha Hoose ay soo dhaweynayaan, isla markaana ay ka go’antahay inay hirgeliyaan qodobada shirka ka soo baxay.
