Guddoomiyaha gobolka Banaadir ahna duqa magaalada Muqdisho mudane Cumar Maxamuud Maxamed (Cumar Filish) iyo siihayaha safiirka Talyaaniga ee Soomaaliya ayaa maanta si wadajir ah xarigga uga jaray mashruuc ka kooban biyo nadiifiye iyo koronto oo ay dowladda Talyaaniga ka hirgelisay isbitaalka Laa-saleeti ee magaalada Muqdisho.
Hayโadda CIMIC Group ayaa isbitaalka Laa-saleeti gaar ahaan qeybta lagu xanaaneeyo dadka qaba xanuunka dhimirka ka fulisay mashaariicdaan,taas oo ay ka mahadceliyeen maamulka isbitaalka.
Related posts
Madaxa isbitaalka Laa-saleeti Faadumo Cabdi Macow ayaa dowladda Talyaaniga iyo maamulka gobolka uga mahadcelisay mashruucaan ay ka fuliyeen isbitaalka.
Sii hayaha safiirka dowladda Talyaaniga ee Soomaaliya Danjire Tabio Massimo ayaa ugu hambalyeeyay shaqaalaha hayโadda CIMIC GROUP mashaariicda ay ka fuliyeen isbitaalka, wuxuuna ku dhiirigeliyay in ay sii wadaan adeegyada hormarinta.
Guddoomiyaha gobolka Banaadir ahna duqa magaalada Muqdisho mudane Cumar Maxamuud Maxamed (Cumar Filish) ayaa hayโadda CIMIC GROUP (Simik Guruub) uga mahadceliyay mashruucaan, isagoo ka codsaday in ay baahiso mashruuca si loo gaarsiiyo qeybaha kale ee isbitaalka.
Isbitaalka Laa-saleeti degmada C/casiis ayaa ka koobnaa jiray qeybo badan oo lagula tacaalo dadka qaba cudarada kala duwan oo ay kamid yihiin kuwa faafa, waxaana hadda dib u soo kabanaya adeegyadii uu qaban jiray.
