Guddoomiyaha Gobolka Banaadir Yuusuf Xuseen Jimcaale ayaa maanta furay Barnaamij wacyi gelin ah oo loo qabtay sagaal Degmo oo ka tirsan degmooyinka Gobolka Banaadir.
Barnaamijkaan wacyigalinta ah ayaa ku saabsan fududeynta iyo hore u wadidda Waxbarashada Madaniga ah oo hirgalinteeda ay iska kaashanayaan Ururka Kaah Relief and Development.
Guddoomiye ku-xigeenka Gobolka banaadir ee dhanka siyaasadda Mudane Maxamed Axmed Diiriye ayaa la dardaarmay Dadweyne laga soo kala xulay Sagaalka Dagmo ee maanta Tababarka wacyigalineed loo furay, iyadoo lagu kala qabtay Xarumah Dagmooyinka Cabdicasiis iyo Shibis.
Guddoomiyaha Gobolka banaadir Mudane Yuusuf Xuseen Jimcaale oo furay barnaamijka wacgelinta ayaa sheegay in mashruucan uu yahay mid ay u baahanyihin bulshada ku nool Muqdisho, isla markaana ay wax badan ka faa’iidi doonaan.
Ururka Kaah Relief and Development Org iyo Maamulka Gobolka Banaadir ayaa maalmahaan waday qorshe lagu hirgalinayo Waxbarashada Madaniga ah oo Dagmooyinka Gobolka Banaadir laga fulinayo, kaasi oo ay ka faa’iideysan doonaan arday Soomaaliyeed.
