Guddoomiyaha Gobolka Banaadir ahna Duqa magaalada Muqdisho Mudane Cumar Maxamuud Maxamed (Cumar Filish) ayaa ka qeybgalay tukashada Salaadda Janaaso ee Guddoomiyihii Deegaanka Garasbaaley Marxuum Maxamed Abuukar Afrax oo u geeriyooday Qarax miino oo lala eegtay gaarigiisa.
Guddoomiyaha Gobolka Banaadir ayaa tacsi u diray Qoyska, Qaraabada iyo Bulshada reer Garasbaaley ee uu ka baxay Marxuumka. waxa uuna eebbe ugu baryay in jannadii Fardowso eebbe ka waraabiyo Qoyskiisana Samir iyo iimaan Allaha ka siiyo.
Duqa Muqdisho ayaa amray laamaha amniga inay sameeyaan howlgallo ka dhanka ah dadkii ka dambeeyay falka qaraxa ah ee u uku dhintay guddoomiyihii deegaanka Garasbaaleey.
