Guddoomiyaha gobolka Banaadir ahna duqa magaalada Muqdisho mudane Cumar Maxamuud Maxamed(Filish) ayaa kulan gaar ah la qaatay guddoomiyaasha degmooyinka gobolka Banaadir, ayaa faray in si deg deg ah dib loogu bilaabo ololaha wacyigelinta cudurka safmarka ah ee COVID-19 oo dalka dib ugu soo laabtay.
Kulanka waxaa goob joog ka ahaa guddoomiye ku xigeenka arrimaha bulshada iyo wacyi-gelinta maamulka gobolka Banaadir marwo Basmo Caamir Axmed (Jaketti) agaasimaha waaxda caafimaadka dowladda hoose Dr Maxamed Cadow iyo taliyaha ilaalada ciidanka deeganka Xamar.
