Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya, Mudane Sheekh Aadan Maxamed Nuur (Madoobe), ayaa ka qeyb galay Shirka Gogosha Wadatashiga Qaran oo maalintii saddexaad ka socda magaalada Muqdisho.
Guddoomiye Sheekh Aadan Madoobe oo khudbad dhinacyo badan taabaneysa ka jeediyay shirka ayaa ugu horrayn ka hadlay muhiimadda uu shirkan u leeyahay dalka iyo dowladnimada Soomaaliyeed. Wuxuu sidoo kale xusay marxaladihii kala duwanaa ee uu dalka soo maray, caqabadihii laga gudbay dib u dhiska dowladnimada, iyo baahida loo qabo in caqabadaha jira si mideysan loo wajahdo.
Ugu dambeyn, Guddoomiyaha ayaa sheegay in Baarlamaanka labada Aqal uu diyaar u yahay inuu ka shaqeeyo shuruucda muhiimka u ah dowladnimada, isla markaana ay horumar weyn ka sameeyeen dib-u-eegista dastuurka dalka.
