Guddoomiyaha Golaha Shacabka Jamhuuriyadda Federaalka Soomaaliya mudane Sheekh Aadan Maxamed Nuur (Madoobe) ayaa caawa kulan mahad celin ah la qaatay saraakiisha sare ee ciidanka Booliska iyo kuwa xoogga dalka Soomaaliyeed.
Guddoomiyaha ayaa Ciidanka Qalabka Sida ku amaanay dadaalkooda joogtada ah iyo sugiddii amniga dooraashada madaxweynaha oo ku dhacday si nabdoon.
Sheekh Aadan Madoobe ayaa sidoo kale uga mahadnaqay in markasta ay u taagan yihiin ilaalinta shacabka, isagoo ku dhiira geliyey inaysan marnaba ka seexan badbaadinta shacabka Soomaaliyeed.
