Guddoomiyaha golaha shacabka ee JFS Mudane Maxamed Mursal Sheekh C/raxman, ayaa xafiiskiisa ku qaabilay masโuuliyiin ka tirsan barnaamijka horumarinta Qaramada Midoobay ee UNDP iyo xafiiska siyaasada QM ee Soomaaliya,waxa ayna ka wada hadleen arrimo ay ka mid yihiin u diyaar garowga doorashooyinka soo socda ee uu dalka geli doono iyo hir gelinta shuruucda doorashooyinkaasi muhiimka u ah.
Waxyaabaha aadka looga hadlay waxaa ka mid ah maalgelinta geedi socodka doorashooyinka dalka ,qorshayaasha diiwaan gelinta cod bixiyaasha.
Related posts
Kulanka ayaa sidoo kale inta uu socday waxyaabaha looga hadlay waxaa ka mid ah sidii Qaramada Midoobay ay taageero dhaqaale iyo mid farsamo uga geysan laheyd doorashooyinka iyo shuruucda muhiimka u ah .
Ugu dambeyn waxa ay isla soo hadal qaadeen arinta dhameystirka dastuurka dalka oo muhiim u ah doorashooyinka dalka ka dhici doona sida uu geba gebada kulanka uu warbaahinta qaranka u sheegay Cabdikariin Xaaji Cabdi Buux oo ah Xoghayaha guud ee Golaha Shacabka.
