Guddoomiyaha Golaha Shacabka Jamhuuriyadda Federaalka Soomaaliya Mudane Maxammad Sheekh Cusmaan “Jawaari” ayaa tacsi u diray dadkii ku naf waayey weerarkii argigixiso ee lagu qaaday Hotelka Dayax magaalada Muqdisho.
“hor iyo horaan aniga oo ku hadlaya magaceyga,magaca Guddoonka iyo magaca Xildhibaannada Golaha Shacabka waxaan halkaan tacsi tiiraanyo leh uga dirayaa dadkii Soomaaliyeed ee ku naf waayey weerarkii ay argigixisada kusoo qaadeen saakay magaalada Muqdisho waxaan ilaah uga baryayaa dadkii halkaas ku naf waayey in naxariistiisa jano uu siiyo, kuwii ku dhaawacmayna uu u boogo dhayo ” ayuu hadalkiisa ku bilaabay Guddoomiye Jawaari.
“si gaar ah waxaan tacsi tiiraanyo leh ugu dirayaa Malaaqyada Digil iyo Mirifle oo ay ka baxeen laba Malaaq oo muhiim ah waxaan leeyahay Alle ha u naxariisto Malaaq C/rashiid Sheekh C/salaan iyo Malaaq Malabow Malaaq Isxaaq Xasan keyrow oo labaduba ka mid noqday dadkii ku dhintay falkaasi arxanka daran ”ayuu hadalkiisa sii raaciyey Guddoomiyaha Golaha Shacabka Mudane Maxamed Sheekh Cusmaan “Jawaari”.
Ugu dambeyntii waxa uu Alle ka rajeeyey in uu shacabka Soomaaliyeed ka dul qaado dhibaatada argigixisada waxaana uu shacbiga ku booriyey iney meel uga soo wada jeestaan cadawgooda.
—DHAMAAD—
Xafiiska Warfaafinta iyo Xiriirka Dadweynaha Ee Guddoonka Baarlamaanka
Media and Public Relation Office Of Speaker
