Guddiga Horumarinta Adeega Bulshada Baarlamaanka Jamhuuriyadda Federaalka Soomaaliya, ayaa wuxuu Xafiiskiisa Golaha iyo Guddiyada ee Villa Hargeysa, kulan kula yèeshay Guddoomiyaha Guddiga Qaranka Shaqaalaha Rayidka ee Dowladda.
Kulanka waxaa Shir guddoominayay. Guddoomiyaha Guddiga Arrimaha Bulshada Golaha Shacabka Xildhibaan Nadra Saalax Cabdi waxaa goob-joog ka ahaa, kulanka Guddoomiye Ku-xigeenka Guddiga Dr Cabdirashiid Maxamed Nuur Jilley, Xoghayaha Guddiga Mukhtaar Axmed Xasan Saajid iyo Xubnaha Guddiga.
Guddigu ayaa waxa uu warbixin ku saabsan Qorshe-howleedka ka dhegeystay. Guddoomiyaha Guddiga Qaranka Shaqaalaha Rayidka ee Dowladda. Mudane Xasan Abshirow Maxamed.
Kulanka waxaa lagu soo Bandhigay. Qorsha-howleedka Guud ee Guddiga , marxalada guud ee Xaquuqda iyo Daryeelka Shaqaalaha Rayidka ee Dowladda.
Waxaa sidoo kale, aad loogu dheeraaday Hanaankii lagu dhisay guddiga, iyo marxaladihi kala duwanaa, ee uu soo maray, Shaqaalaha Rayidka ee Dowladda. halka ay wax marinayaan iyo waxa uqorsheysan, oo ay doonayaan inay hiigsadaan.
Sidoo kale,Guddiga ayaa la weydiiyey. Su’aalo Oraaheed ku aadan waxqabadka Qorsha-howleedka iyo marxalada guud ee Shaqaalaha Rayidka ee Dowladda JFS.
Dhanka kale Guddiga Horumarinta adeega bulshada ayaa aad u bogaadiyay Shaqada wanaagsan ee ay Qaranka uhayaan, sidoo kale Guddiga ayaa usoo jeediyay in dib-loogu soo gudbiyo, labada sharci ee kala ah, Hindise-sharciyeedka Shaqaalaha Rayidka ee Dowladda Number11. iyo Hindise-sharciyeedka Howlgabka Shaqaalaha Rayidka ee Dowladda.
Ugu Dambeyn Gudoomiyaha Guddiga Horumarinta Adeegga Bulshada Golaha Shacabka BJFS Xildhibaan Nadra Saalax Cabdi ayaa u Mahadcelisay Guddiga Qaranka Shaqaalaha Rayidka ee Dowladda kulankana soo xirtay.
