Guddoomiyaha Hay’adda Maareynta Musiibooyinka Qaranka Soomaaliyeed mudane Maxamuud Macalin Cabdulle iyo Wafdi uu hogaaminayo oo maanta gaaray Baydhabo ayaa kulan la qaatay Guddiga Gurmadka Abaaraha ee Dowladda Koonfur Galbeed Soomaaliya ahna Wasiirka gargaarka iyo Maareynta Musiibooyinka Mudane Cabdinaasir Cabdi Caruus.
Shirka ayaa looga hadley sidii loo xoojin lahaa wada shaqeynta hay’adaha gargaarka ee Gurmadka ka wada Koonfur Galbeed iyo Hay’adda Maareynta Musiibooyinka Qaranka Soomaaliyeed .
Hay’adda Maareynta Musiibooyinka Qaranka iyadoo kaashaneysa Wasaaradda Gargaarka iyo Maareynta Musiibooyinka KGS ayaa Diyaarado gargaar Raashin ah sida gaarsiisey Degmooyinka Xudur iyo Baydhabo, kuwaasi oo loogu tala galey in la gaarsiiyo Dadka ay Abaartu saameysay ee ku nool Deegaannada Koonfur Galbeed .
Gudoomiyaha Guddiga Gurmadka Abaarha Dowladda Koonfur Galbeed ahna Wasiirka gargaarka iyo Maareynta Musiibooyinka Koonfur Galbeed Mudane Cabdinaasir Cabdi Caruush ayaa ugu Mahadceliyey Hay’adda Maareynta Musiibooyinka Qaranka Garmadka ay soo gaarsiiyeen KG, wuxuuna balan qaadey in ay gaarsiin doonaan Dadkii loogu talagaley.
Gudoomiyaha Hay’adda Maareynta Musiibooyinka Qaranka Soomaaliyeed Mudane Maxamuud Macalin Cabdule ayaa xusay in gargaarka Raashinka ay soo gaarsiiyeen Degmooyinka Xudur iyo Baydhabo uu yahay mid loogu talagalay in lagu caawiyo bulshada ay abaaruhu saameeyeen.
Guddiga Gurmadka Abaarha Dowladda Koonfur Galbeed ayaa wada dadaallo Gurmad lagu gaarsiineyo Qoysaska Abaartu saameysay ee ku Nool Deegaanada Koonfur Galbeed.
