Guddoomiyaha Hay’adda Maareynta Musiibooyinka (SoDMA) Mudane Maxamuud Macallin Cabdulle iyo wafdi uu hoggaaminayo ayaa gaaray magaalada Baydhabo ee xarunta ku meel gaarka ah ee Dowlad gobolleedka Koonfur galbeed oo maalinta berri ah 6-da Agoosto 2025, marti galineysa shirka Madasha Arrimaha Bani’aadannimada Soomaaliya (CHF 2025).
Wasiirka Wasaaradda Gargaarka iyo Maareynta Musiibooyinka Koonfur Galbeed, Mudane Cabdinaasir Cabdi Caruush oo ay wehliyaan Wasiirro iyo masuuliyiin sar-sare oo ka tirsan maamulka KGS ayaa Guddoomiyaha iyo waftigiisa si diirran ugu soo dhaweeyay garoonka diyaaradaha ee Shaati-gaduud.
