Guddoomiyaha Hay’adda Maaraynta Musiibooyinka Soomaaliyeed ee SoDMA, Mudane Maxamud Macallim Cabdulle ayaa xafiiskiisa ku qaabilay Ambassador Jamaal Maxamed Xasan Madaxa xarunta dhexe IGAD ee laqabsiga cimilada iyo ilaalinta Deegaanka.
Shirkan ayaa si qoota dheer looga hadlay wadashaqeyn dhexmarta labada xafiis ee dhanka maaraynta masiibooyinka iyo dhisidda awoodaha u adkeesiga aafaadka ee bulshada Soomaaliyeed.
Qodobadii laga hadlay ayaa waxaa ka mid ahaa in si dhab ah loo dardargaliyo fulinta tala soo jeedintii ka soo baxday qiimayn lagu sameeyay saamayntii ka dhalatay fatahaadihii 𝗘𝗹 𝗡𝗶ñ𝗼 2023.
Labada dhinac ayaa ku heshiiyay dardargalinta dhaqaale u helidda ka soo kabashada fatahaadaha iyo abaaraha ka dhaca dalka, maadaama Soomaaliya ay tahay dalka kaliya ee qiimayn dhameestiran ku sameeyay fataahadii Elnino dabayaaqadi 2023dii ee xubin ka ah dalalka Urur goboleedka IGAD.
