Guddoomiyaha Hay’adda Maareynta Musiibooyinka Mudane Maxamuud Macalin Cabdulle oo uu wehliyo ku xigeenkiisa Dr. Axmed Cabdi Aadan ayaa Xarunta dhexe ee hay’adda ku qaabilay madax ka socotay Bangiga Caalamiga ah ee Soomaaliya (IBS Bank).
Kulanka ayaa looga hadlay sidii ay labada dhinac u xoojin lahaayeen wada shaqeeynta iyo sidii loo hormarin lahaa loona maalgalin lahaa dadka ay dhibaatada ka soo gaartay musiibada oo ay ugu horreeyaan barakacayaasha oo ah bulshada kuwa ugu danta yar iyaga oo la barayo xirfado ay ku shaqeeystaan ugu danbeeyna loo maalgaaliyo.
Hay’adda SoDMA ayaa wadda qorshayaal bulshada danta yar si gaar ah barakacayaasha ay saameeysay xaaldaha musiibooyinka loogu abuuro u adkeeysi loona sameeyo xirfado ay ku shaqeeystaan si loo gaaro hormar dhankooda ah loogana maarmo gargaarka la siinayo.
Madaxda Bankiga ayaa u balan qaadday hay’adda SoDMA in ay kala shaqeyn doonaan sidii ay uga qeyb qaadan lahaayeen horumarka bulshada, iyaga oo soo bandhigay howlaha Bangiga Caalamiga ah ee Soomaaliya (IBS Bank) oo dalka u qabto gaar ahaan maalgalinta dhanicyada kala duwan leh.
