Guddoomiyaha Hay’adda Maaraynta Musiibooyinka Qaranka Mudane Maxmuud Macallim Cabdulle ayaa xarunta Hay’adda ku soo dhaweeyay wafdi ka socdo WFP oo uu hogaaminayay Maxaxa WFP ee Soomaaliya Elkhidir DALOUM
Guddoomiyaha oo ay wehliyaan Wasiirada Gargaarka Dowlad goboleedyada Koonfur Galbeed iyo Galmudug Cabdinasir Carush iyo Cabdirahman Makkaawi ayaa wafdiga ka socday WFP kula kulamay Xarunta dhexe ee hay’adda Maaraynta musiibooyinka oo ku taalla Magaalada Muqdisho, kulanka ayaa diiradda lagu saaray arrimo badan oo la xariira hawlaha labada hay’adood iyo guud ahaan arimaha Beni’aadannimada ee Soomaaliya sida in ay WFP ka caawiso Hay’adda iyo Wasaradaha gargaarka diyaarinta istaraatiijiyadda 5ta sano ee socoto, sidoo kale WFP ayaa adkaysay in si wada jir ay dalalka deeqaha baxsho u wajahaan si loo caawiyo dadka Soomaaliyeed.
Guddoomiyaha hay’adda SODMA iyo Wasiirrada gargaarka KGS iyo Galmugud ayaa si wada jir ah u adkeeyay muhiimadda ay leedahay wada shaqaynta iyo in waddo loo dhanyahay loo maro si loo mideeyo arimaha isuduwidda gargaarka.
Madaxda WFP ayaa amaanay wada shaqaynta iyo wada jirka ka dhexeeyo hay’adda Maaraynta iyo Wasaaradaha Dowlad goboleedyada, taasoo mujineyso bisayl wadashaqayn oo ku aadan arimaha gurmadka iyo gargaarka dadka tabaalaysan.
labada dhinac ayaa ka mahadceliyay wada shaqaynta muddada socotay ee ka dhexeyso labada hay’adood.
