Guddoomiyaha Hay’adda Maareynta Musiibooyinka Qaranka, Mudane Maxamuud Macalin Cabdulle, ayaa magaalada Nairobi ka daahfuray kulan la isugu keenay khubarada, sameeyayaasha siyaasadda, iyo maamulka sare ee SoDMA iyo wakiillo kale oo ka socda Dowladda Federaalka Soomaaliya.
Kulankan ayaa looga hadlayaa in laga wada tashado xog-isweydaarsina looga yeesho Nidaamka DTM ee IOM Soomaaliya.
Xoojinta nidaamyada digniinta hore ee halis-wadareedka, dhiirigelinta tallaabooyinka degdegga ah, iyo kor u qaadidda adkeysiga bulshada waxay xaqiijinayaan in bulshooyinka nugul la ilaaliyo kahor, inta lagu jiro, iyo kadib dhacdooyinka Isbadalka-Cimilada uu sababo. Nidaamka IOM ee saadaasha Socdaalka dadka barakaca (DTM) wuxuu bixiyaa xog muhiim ah oo lagu hago qorsheynta iyo wax-ka-qabashada waxtarka leh.
