Guddoomiyaha Jaamacadda Ummadda Soomaaliyeed Prof Maxamed Axmed Jimcaale ayaa tacsi u diray dhamaan Ummadda Soomaaliyeed geeridii ku timid Allaha u naxariistee Marxuum Xuseen Sheekh Axmed Kadare oo maanta lagu aasay Muqdisho.
Guddoomiyaha oo la hadlayay Radio Muqdisho ayaa sheegay in isaga oo ku hadlaya magaca Maamulka iyo macalimiinta Jaamacadda Ummadda Soomaaliyeed uu tacsi u dirayo dhamaan ehelada iyo asaabta uu ka tegay marxuum Xuseen Sheekh Axmed Kadare oo ka mid ahaa dadkii qoray farta Soomaaliga.
Related posts
โInnaa lilaahi wa innaa ileyhi raajicuun, Dr Xuseen Sheekh Axmed Kadare Allaha u naxariisto oo jannadii fardowsa Allaha ka waraabiyo. Geeridu waa xaq, Soomaaliyana waxaa ka tagey halyey kaalin mug leh ka soo qaatay dhanka Warbaahinta, qorista farta Soomaaliga iyo suugaanta Soomaaliyeed. Dr Kadare, waxuu ahaa shaqsi waxbadan ku soo kordhiyey dalka, oo uu Akademiyada fanka, dhaqanka iyo suugaanta uu in muddo ah ka soo shaqeeyey kana mid ahaa shaqsiyaadkii horumariyey luqadeena qaniga ah oo ah astaamaha aan ku faano kuwa ugu waaweyn, waxaana uu ka mid ahaa Macalimiinta Jaamacadda Ummaddaโayuu yiri Prof Maxamed Axmed Jimcaale.
