Guddoomiyaha Jawari Oo Lagu Soo Dhaweeyey Magaalada Baghdad ee dalka Ciraaq “SAWIRRO”

Guddoomiyaha Baarlamaanka Federaalka Soomaaliya Mudane Maxamed Sheekh Cusmaan “Jawaari” iyo wafdi uu hogaaminayo ayaa gaaray magaalada Baghdad ee caasimadda dalka Ciraaq halkaasi oo si weyn loogu soo dhaweeyey.

Guddoomiyaha Golaha Shacabka Jamhuuriyadda Federaalka Soomaaliya Mudane Maxamed Sheekh Cusmaan “Jawaari” waxaa kusoo dhaweeyey garoonka diyaaradaha magaalada Baghdad Guddoomiyaha Baarlamaanka dalka Ciraaq Dr Salim Abdullah al-Jabouri,Xildhibaanno ka tirsan Baarlamaanka dalka Ciraaq iyo Safiirka Soomaaliya ee dalka Ciraaq Marwo Amb. Khadija Maxamed Almakhzoumi .

Related posts

Wasiirka Gaashaandhigga XFS oo daahfuray Siyaasadda Qaran ee Ilaalinta Badqabka Rayidka Xilliyada Hawlgallada Ciidan iyo Colaadaha Hubaysan

September 6, 2026

Wasaaradda Warfaafinta XFS oo soo saartay xeerka dhaqan-gelinta iyo habraaca KMG ah ee hay’adaha dhaqanka iyo farshaxanka dalka

September 6, 2026

Magaalada Baghdad horey waxaa ugu sugnaa Xildhibaannada Baarlamaanka Soomaaliya ugu jira Baarlamaanka dalalka Iskaashiga Islaamka ee PUIC iyo Xoghayaha guud ee Golaha Shacabka Mudane C/kariin Xaaji Cabdi (Buux) ayadoo sidoo kalena ay hada socdaan shirarkii guddiyada kuwaasi oo lagu diyaarin doono ajandayaasha shirka Guddoomiyeyaasha Baarlamaannada dalalka Iskaashiga Islaamka.

Guddoomiyaha Baarlamaanka Federaalka Soomaaliya Mudane Maxamed Sheekh Cusmaan “Jawaari” ayaa khudbad ka jeedin doona shirka Guddoomiyeyaasha Baarlamaannada dalalka Iskaashiga Islaamka PUIC oo rasmi u bilaaban doona 24ka bishan January 2016 insha Allah.

—-DHAMMAAD—-