Guddoomiyaha Maxkamadda Sare ee Jamhuuriyadda Federaalka Soomaaliya Mudane Bashe Yusuf Ahmed, ayaa maanta ka qeyb-galay meertada shirka saddexaad ee Garsoorka iyo Cagaaraynta Afrika oo ka qabsoomay magaalada Nairobi ee dalka Kenya. Shirka oo socon doona muddo saddex cisho ah, ayaa waxa daah-furay Madaxweynaha Kenya Dr. William Samoei Ruto, waxaana ka soo qeyb-galay Madaxweyneyaasha iyo guddoomiyeyaasha Maxkamadaha sare iyo guu
d ahaan Garsoorka wadamada Qaaradda Afrika.
Shirka, ayaa lagu falan-qeynayaa xoojinta doorka Garsoorka ee xaaladaha isbeddelka Cimilada, ku dhaqanka shuruucda deegaanka iyo weli ba siddii meel looga soo wada jeesan lahaa ka qeyb-qaadashada illaalinta dhirta iyo deegaanka si loo joojiyo nooc kasta oo dikhaw ah sidoo kale na la xoojiyo cagaareynta guud ahaan qaaradda Afrika.
Madaxdii kala duwanayd ee shirka ka hadashay, ayaa aad ugu dheeraaday saamaynta Isbeddelka Cimilada ee Afrika oo sababay xaaladaha abaaraha ee daba dheeraaday, roob yaraanta, dikhawga hawada iyo dhibbaatooyin kale.
Waxa kale oo halkaas laga ga hadlay kor u qaadista dhinaca Waxbarashada iyo wacyiga la xariirta shuruucda illaalinta deegaanka iyo weliba hal abuurista siyaasado iyo istaraatijiyado uu Garsoorku kaga qeyb qaadanayo cagaareynta Afrika.
