Cali Xuseen Ibraahim “Cali Kaba qori” Guddoomiyaha rugta ganacsiga Gobolka Banaadir ayaa sheegay inay sameynayaan guddi soo qiimeeya qasaaraha dhabta ah ee ka dhashay dabkii ka kacay Suuqa Bakaaraha ee lagu guuleystay in la damiyo, isagoo intaa ku daray inay jiraan qorshe lagu balaarinayo waddooyinka soo gala suuqa Bakaaraha iyo suuqyada kale ee magaalada.
Guddoomiyaha rugta ganacsiga gobolka oo la hadlay Radio Muqdisho ayaa tilmaamay in ay jiraan qasaare nadaafeed iyo mid hantiyadeed ee uu geystay dabkii xalay ka kacay suuqa Bakaaraha, waxaana uu intaa raaciyay inay jiraan guddi ay arrintaasi u saaraan, si ay uga soo saaraan bayaan ku aadan inta uu la egyahay qasaaraha dabkaasi geystay.
Guddoomiyaha ayaa ka codsaday ganacsatada gobolka banaadir inay is gacan qabtaan oo ay gurmad u fidiyaan walaalahood ku hanti beelay musiibada maanta ka dhacday Suuqa Bakaaraha, dhankooduna ay arrintaasi gacan weyn ka geysan doonaan.
Halkan ka dhageyso Wareysiga oo dhameystiran
