Guddoomiyaha hay’adda Maareynta Musiibooyinka Qaranka Mudane Maxamuud Macalin Cabdulle, ayaa maanta Magaalada Muqdisho kula kulmay Safiirka Dowladda Isutagga Imaaraadka Carabta Danjire Axmed Jumca Al-rumeysi.
Kulanka oo ka dhacay xarunta Safaaradda Imaaraad-ka carabta ee magaalada Mogadisho ayuu Guddoomiyaha iyo Danjiraha kaga wada hadleen doorka dowlada imaaraad-ka ee la tacaalida arimaha abaaraha iyo mashaariicda horumarinta, iyo sidii loo xoojin lahaa xiriika guud ee hay’addaha UAE ee ka shaqeeya Arrimaha Gargaarka, yareenta musiibooyinka iyo gurmadka Degdega.
Gudoomiyaha, ayaa ugu horreyn dowladda iyo Shacabka Imaaraad-ka kaga mahadceliyay garab istaag shacabka Soomaaliyeed, waxaa uuna ka codsaday in ay sii wadaan dadaalkooda iyo garab istaagooda shacabka Soomaaliyeed, asigoo si gaar ah kaga codsaday dowladda Imaaraad-ka in ay kala shaqeeyso sidii wax loogu qaban lahaa dadka ku nool goobaha laga xorreeyay kooxaha khawaarij-ta iyo taageerida Arrimaha Saadka si loo gaarsiiyo gargaarka.
Safiirka Imaarad-ka Carabta ee Soomaaliya Axmed Jumca Al-rumeysi ayaa balan qaaday In ay la shaqeeyn doonaan Dowlada Federaalka Soomaaliya oo Madaxweyne ka yahay Mudane Xasan Sheekh Maxamuud iyo Ra’iisul Wasaarahiisa Xamsa Cabdi Barre sidoo kalana balan qaaday in si dhawna u la shaqeeynayaa Hayadda Maareynta Masiibooiyinka Qaranka SoDMA.
