Guddoomiyaha Hay’adda Maareynta Masiibooyinka Qaranka Mudane Maxamuud Macalin Cabdulle, ayaa maanta Kulan la qaatay ku xigeenka Ergayga Gaarka ah ee Xoghayaha Guud ee Qaramada Midoobey, ahna isku duwaha horumarinta iyo Bani’aadanimada Mr Adam Abdelmoula iyo madaxa Hay’adda UN OCHA Justin Brady.
Guddoomiyaha,ayaa Ergayga Q.M iyo Madaxa Hay’adda UN OCHA kala hadlay guud ahaan xaalada Bani’aadanimo ee dalka ku suganyahay iyo sidii wada shaqeyn dhow looga yeelan laahaa gargaar gaarsiinta goobaha laga xurreeyay kooxaha Khawaarij-ta
Ergayga Gaarka ah ee Xoghayaha Guud ee Qaramada Midoobey Mr Adam Abdelmoula iyo madaxa Hay’adda UN OCHA Justin Brady, ayaa ku boggaadiyay hay’adda SoDMA dadaalka ay muujiyeen si gargaar loo gaarsiiyo dadka ay dagaalada iyo abaabaruhu samaayeen, ayadoo hay’adda shaqeyneyso muddo kooban waxeyna u ballan qaadeen in ay sii wedi doonaan wada shaqeynta dhow ee ay la leeyihiin hay’adda SoDMA iyo dhammaan hay’adda Dowladda ee ka shaqeeyo arrimaha Bin’aadanimada si dalka loogu badbaadiyo in ay macluul ka dilaacdo.
