Guddoomiye kuxigeenka labaad ee Golaha Shacabka Baarlamaanka Jamhuuriyadda Federaalka Soomaaliya Mudane Cabdullaahi Cumar Abshirow iyo wafdi Xildhibaano ah oo uu hogaaminayo ayaa Magaaladda Qaahira ee xarunta wadanka Masar sidoo kalena ah xarunta Jaamacada Carabt uga qeyb galay shirweynaha 7-aad ee Baarlamaanka Carabta.
Shirka oo ay ka qeyb galeen madaxda Baarlamaanadda wadamada Carabta ayaa sanadkan halku dhigiisa waxa uu ahaa taageerida adkeysiga Shacabka Falastiin, waxaana shirka looga hadlay xaaladda dalka Falastiin iyo sidoo kale diidmada qorshayaasha daadgureynta shacabka Falastiiiniyiinta dhulkooda looga rarayo, waxaana inta kulanka uu socday madaxdii ka qeyb gashay ay aad u taageereen qadiyadda Falastiin oo si weyn shirka loogu difaacay.
Related posts
Guddoomiye kuxigeenka labaad ee Golaha Shacabka Baarlamaanka Jamhuuriyadda Federaalka Soomaaliya Mudane Cabdullaahi Cumar Abshirow oo shirka ka jeediyay khudbad dhinacyo badan taabaneysa ayaa marka hore u mahadceliyay dhimacyada shirka soo qaban qaabiyay iyo dowladda Masar oo marti gelisay, waxaana sidoo kale madaxdii shirka ka qeyb gashay uu u sheegay in mowqifka dowladda Soomaaliya ee arinta Falastiin uu yahay mid cad islamarkaana Soomaaliya ay taageersantahay qadiyadda Falastiin ayna garab taagantahay.
