Guddoomiye ku xigeenka labaad ee baarlamaanka Soomaaliya Mahad Cabdalla Cawad oo booqasho ku joogay maalmihii la soo dhaafay deegaannada maamulka Puntland ayaa maanta waxaa uu booqday degmada Jariban ee gobolka Mudug isagoo u kuurgalayay xaaladda nolosha iyo mida amni ee degmadaasi iyo deegaanada hoosyimaada.
Guddoomiye ku xigeenka labaad ee baarlamaanka Soomaaliya mudane Mahad Cabdalla Cawad oo ay la socdeen masโuuliyiin ka tirsan maamulka Puntland ayaa waxaa degmada Jariban ku soo dhaweeyay qeybaha kale duwan ee bulshada ku dhaqan halkaasi.
Mudane Mahad Cabdalla Cawad iyo xubnaha la socday ayaa waxa ay booqdeen meela kale duwan oo ka tirsan degmadaasi waxaana warbixino uu ka dhageystay masโuuliyiinta maamulka Degmada oo u sheegay in degmada ay ka jirto abaar saameysay dadka iyo duunyada.
Guddoomiye ku xigeenka labaad ee baarlamaanka Soomaaliya Mahad Cabadalla Cawad oo khudbad u jeediyay dadkii ku soo dhaweeyay halkaasi ayaa sheegay inuu ka xun yahay dhibaatada ay keentay abaarta ka jirta deegaanka, wuxuuna Eebbe ka baryay inuu roob siiyo deegaanka si dadku iyo duunyada ay uga baxaan abaarta, waxaana dadka reer Puntland uu ka codsaday in ay ka digtoonaadaan qataraha kooxaha nabad diidka ah.
