Guddoomiye kuxigeenka Gobolka Banaadir ee dhanka siyaasadda Maxamed Axmed Diiriye ayaa maanta Muqdisho ka furay kulan loogu Magac daray ‘Isu keenista iyo Fududeynta Wadahadalada Bulshada 17 Degmo’, kaasi oo ay ka qeyb galeen qeybaha bulshada.
Mashruucaan oo maanta ka furmay Muqdisho ayaa ugu horeyn waxaa nasiib u yeeshay in loo qabto xubno ka kala socotay 10 Degmo oo gobolka Banaadir ah, waxaana fulinta Barnaamishkaan iska kaashanaya Ururka Kaah, Maamulka gobolka Banaadir iyo Wasaaradda Arimaha Gudaha.
Mashruucaan oo ah mid looga gol leeyahay in lagu wacyi galiyo Bulshada gobolka Banaadir ayaa fuliyayaashiisa Kaah waxa ay sheegeen inay sii wadayaan howsha ay hadda bulshada uhayaan, taasoo ay mas’uuliyiinka Dowladda Hoose bogaadiyeen.
Todobo Degmo oo hadda harsan ayaa la filayaa maalmaha na soo aadan in laga fuliyo Mashruucaan loogu Magacdayar ‘Isu keenista iyo Fududeynta wadahadalada Bulshada 17 Dagmo’ taasi oo qeyb weyn ka qaadan karta isdhexgalka bulshada iyo xoojinta amniga.
