Guddoomiyaha magaalo madaxda gobolka shabeellaha hoose ee Marko Cabdullaahi Cali Axmed (Waafoow) ayaa sheegay in xaalada deg deg ah ay ka taagantahay gobolka maadaama ay saameeyeen fatahaaddi wabiga shabeelle .
Guddmooiye waafoow waxa intaa ku daray in xaalada ay ka baxday faraha isla markaana ay tahay mid u baahan in sida ugu dhaqsiyaha badan looga jawaabo .
“Waxaa loo baahanyahay in si deg deg ah wax loogu qabto dadka tabaaleysan ee haatan ku jira xaalado aad uliita maxaa yeelay, Maheystaan Hoy,Cuno Daawo iyo waxyaabaha loo baahanyahay aas aaska nolosha ayuu hadalkiisa raacay guddoomiyaha.
Sidoo kale guddoomiyaha Maro Cabdullaahi Cali Axmed waafoow waxa uu sheegay in dadka tabaaleysan ay u badanyihiin caruur iyo haween oo aan xamili Karin xaalada soo wajahday ee u baahan in si wadajir ah loo wajaho.
“Waxaan leenahay Madaxweynaha Koofur galbeed Soomaaliya Cabdi Casiis Xasan Maxamed (Lafta-Gareen) iyo madaxda qaranka wax ka qabta xaalada deg dega ah ee ka taagan gobolka gaar ahaan magaalooyinka ay sameeyeen fatahaaddaha haba ugu badnaatee Degmada Afgooye.
