Guddoonka Baarlamaanka Oo Shaaciyey Xiliga uu Furmayo Kalfadhiga 6aad ee Baarlamaanka Soomaaliya “VIDEO”

Gudoonka Golaha Baarlamaanka Jamhuuriyadda Federaalka  Soomaaliya ayaa si
rasmi ah u shaaciyey in Kalfadhiga 6aad ee Baarlamaanka Federaalka
Soomaaliya uu si rasmi ah u furmayo 20ka bishan April kadib markii lasoo
gebagebeeyey diyaarinta qorshayaasha Kalfadhiga 6aad ee Golaha Shacabka.

Xoghayaha Guud ee Golaha Shacabka Mudane C/kariin Xaaji Cabdi (Buux) oo
warbaahinta la hadlay ayaa tilmaamay in Guddoonka Baarlamaanka Federaalka
Soomaaliya uu u go’aamiyey furitaanka Kalfadhiga 6aad ee Golaha Shacabka
ay noqoto 20ka bishan April oo ku beegmi doonto maalinnimo Isniin
ah,laguna qaban doono magaalada Muqdisho.

Related posts

Safiirka aan joogtada ahayn ee dalka Comoros oo warqadaha aqoonsiga u gudbiyay madaxweynaha dalkaas

July 9, 2025

Wasiirka Ganacsiga iyo Warshadaha XFS oo magaalada Laascaanood kulan kula yeeshay Guddiga Farasamada Ee Dhammeystirka maamulka SSC-Khaatumo

July 9, 2025

“Waxaan doonayaa in aan ku wargeliyo dhammaan Xildhibaannada Qaranka in
furitaanka Kalfadhiga 6aad ee Baarlamaanka loo asteeyey 20ka bishan April
oo ku aadan maalin Isniin ah waxaana laga codsanayaa dhamaan
Xildhibaannada Baarlamaanka iney soo xaadiraan munaasabadda furitaanka
Kalfadhiga 6aad oo lagu qaban doono xarunta Golaha Shacabka “ayuu yiri
Xoghayaha Guud ee Golaha Shacabka.

Ugu dambeyntii Xoghayaha Guud ee Baarlamaanka Mudane C/kariin Xaaji Cabdi
(Buux) ayaa tilmaamay in ka hor munaasabadda furitaanka Kalfadhiga ay
sidoo kale guddiga joogtada ah ee Baarlamaanka ay yeelan doonaan 15ka
bishan kulan kaasi oo isna la xiriira qorshayaasha kulammada ugu horeeya
ee Baarlamaanka.

—DHAMMAAD—