Kulankaan maanta ay wada qaateen xubnaha guddiga Garsoorka, Awqaafta iyo Arrimaha diinta Baarlamaanka Soomaaliya iyo Xeer ilaaliyaha Guud ee Qaranka oo ay wehliyaan ku xigeenadiisa ayaa waxa ay u kuur galayeen shaqooyinka xiligan xafiiska xeer ilaalintu hayso isbadaladda caddaladda Waddanka ee xafiisku hayo iyo baahiyaha xafiiska ka jira ee la xariira shaqaalaha ka howl-gala iyo agabyadda lagu shaqeeyo ee xafiiska yaala.
Intii uu socday ayaa Kulanka waxaa goobta lagu soo bandhigay muuqaallo ka tarjumaya isbedelada lagu sameeyey agabyada loogu shaqeeyo shacabka iyo shaqooyinka uu u hayo shacabka Soomaaliyeed xafiiska xeer ilaaliyaha guud
Markii kulanku uusoo idlaaday ayaa waxaa si wadajir ah Warbahinta Qaranka ula hadlay Xeer ilaaliyaha Guud ee Qaranka iyo Godoomiye ku xigeenka gudiga garsoorka Xeer ilaaliyaha ayaana shegey inay aad usoo dhaweynayaan baarlamaanka Soomaaliya xiligan inuu la xisaabtamo hay’adaha dowliga ah ee dalkeenu leeyahay
“aad ayaan ugu faraxsanahay waa nooc ka mid ah isla xisaabtanka dowlada nimada wa nooc ka mid ah wada shaqeynta hay’adaha dowliga ah iyo isku xirnaantooda oo ay baarlamaanku gaareen si loo muujiyo sharciga iyo sareyntiisa ayuu yiri xer ilaaliyaha guud ee Qaranka Dr.Axmed Cali Daahir”
Sidoo kale godoomiye ku xigenka gudiga Garsoorka iyo Cadaaladda Baarlamnaanka Soomaaliya Xassan Cusmaan Qoryooley ayaa sheegay shaqooyinka xafiisku xiligan uu hayo iney ku qanceen siina wadi donaan kulamada xafiisyadda garsoorka dalka loogu shaqeynayo.
Sawir Qaade Maxamed C.weli Maxamed.
