Gudoomiyaha Golaha Shacabka Soomaaliya ayaa Maanta Xafiiskiisa Magaalada Muqdisho waxaa uu kula kulmay Wafdi ka socda Baarlamaanka Dalka Kenya Kaas oo Shalay soo gaaray Magaalada Muqdisho kaa oo Xalay ku Hoyday Magaalada Muqdisho.
Gudoomiyaha ayaa Gudigaan ka socday Baarlamaanka Dalka Kenya Dhowr arimood oo ay ka mid tahay Xiriirka labada Baarlamaan iyo balaarinta Xiriirka Gudiyada Baarlamaanada Arimaha amniga Darisnimada iyo arimo kale .
Gudoomiyaha Baarlamaanka Somalia Mudane Maxamed Sheikh Cusmaan Jawaari oo markii uu soo idlaaday kulankoodu Saxafada la hadlay ayaa waxaa uu sheegay in ay ka wada hadleen sidii wada Hadal joogto ah ay u wada yeelan lahaayeen waxaana uu Mahad Naq u jeediyay Xildhibaanada Soomaalida ah Ee ku jira Baarlamaanka Dalka Kenya.
Gudoomiyaha ayaa waxaa uu Xusay in Wafdigaan ka socda Baarlamaanka Kenya ay Maalinta barito ah is arki doonaan Gudiyada Joogtada ah ee Baarlamaanka ayna ka wada hadli doonaan arimo kale isagoo Balan qaaday in Gudoonka Baarlamaanka Somalia uu Gudi u diri doono Dalka Kenya sida iyaguba ay ugu soo direen.
Dhinaca kale Gudoomiye Maxamed Sheikh Cusmaan Jawaari ayaa waxaa uu Maanta Xafiiskiisa ku qaabilay Safiirka Dowladda Sweden Ee Somalia oo ay ka wada hadleen Cilaaqaadka labada Dowladood iyo Sidii Dowladda Sweden ay Gacan uga Geysan lahaayeen Sidii Baarlamaanka Somalia uu u Noqon lahaa Mid Tayo wanaagsan Howshiisana u guta si Hufan.
