Dhismaha Cusub ee Maxakamada Degmada Xamar Weyne ayaa waxaa xariga ka jaray Gudoomiyaha Gobalka Banaadir ahna Duqa Magaalada Muqdisho iyo Gudoomiyaha Racfaanka Gobalka Banaadir iyadoo goobta ay goob joog ka ahaayen masuuliyiin Saraakiil Ciidan iyo qaar kamid ah Bulshada reer Xamar Weyne.
xarig jarka kadib ayaa masuuliyiinta waxey kormeer ku sameeyen xafiisyada kala duwan oo ay maxkamada ku shaqeyn doonto iyagoo ku bogaadiyay howl wadeenada maxkamada in ay bulshada ka haqab tiraan baahida Garsoorka.
Gudoomiyaha Degmada Xamar Weyne Saciid Cabdiqaadir Saciid oo warbaahinta la hadlay ayaa ka dalbaday madaxda Maxkamada Xamar weyne in ay wax ka qabtaan is qab qabsiga arimaha dhulalka la xariira ee Degmada.
Gudoomiyaha Maxkamada Racfaan Gobalka Banaadir Saalax Sheekh Ibraahim Dhiblaawe waxa uu ka hadlay ahmiyada ay lee dahay Garsoorka,,
Gudoomiyaha Gobalka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) oo furay Maxkamada ayaa kula dardaarmay madaxda iyo howl wadeenada Maxkamada Degmada Xamar weyne in ay xooga saaran Cadaalada.
