Hambalyo Mudane Abdirahman Omar Osman (Eng. Yarisow) oo loo magacaabay xilka Wasiirka Warfaafinta Soomaaliya. Eng. Yarisow waa aqoonyahan leh karti, hufnaan iyo waayo aragnimo buuxda.
Waa shaqsi ku wanaagsan iskuxirka bulshada iyo Dowladda, heystana shahaadadda Master-ka, muddo 9 sano ahna ku sugnaa Muqdisho oo xilal kala duwan soo qabtay sida Wasiirka Lacagta, Wasiirka Warfaafinta, La-Taliye Sare ee Dowladda iyo Afhayeenka Madaxweynaha.
Intii uu London joogeyna ahaa Hoggaamiyeyaasha Jaaliyada Soomaaliyeed, isla markaasna 10 sano Dowlada Hoose ee London Borough of Ealing uu agaasin madax ka soo noqday.
Eng. Yarisow waa shaqsi daacad ah, muwaadin dalkiisa jecel, marwalbana u taagan horumarka bulshada iyo dowladnimada Soomaaliya.
