Guddoomiyaha Golaha Shacabka BJFS ahna Ku-simaha Madaxweynaha JFS Mudane Sheekh Aadan Maxamed Nuur (Madoobe) ayaa xalay ka qeyb galay xafladda dabbaaldegga shirkadda Hormuud oo guulo badan ka gaartay caalamka.
Munaasabadda ayaa waxaa ka qeyb galay Ku-xigeenka Raโisul Wasaaraha Mudane Salaax Axmed Jaamac, qaar ka mid ah Raโisul Wasaariyaal hore, Wasiiro, Xidhibaanno, ganacsato iyo bulshada qeybaheeda kala duwan. Ujeedada munaasabada ayaa waxa ay aheyd dhiiragelinta Guddoomiyaha Shirkadda Hormuud Mudane Axmed Maxamuud Yuusuf, oo ku guuleystay guddoomiyaha ugu wanagsan ee shirkadaha telefoonada Afrika iyo caalamka, isgoona ku guleystay abaalmarino kala duwan oo ku saabsan waxqabadka shirkadda.
Related posts
Guddoomiyaha Golaha Shacabka BJFS ahna Ku-simaha Madaxweynaha Mudane Sheekh Aadan Madoobe oo gunnaanadka xafladda soo xiray ayaa ammaanay doorka shariifka ah ee dalka ka soo qaadatay shirka Hormuud, oo ay ugu horreyso u adeegida shacabka Soomaaliyeed, oo soo maray marxalado kala duwan ee dalka soo maray.
Guddoomiye Sheekh Aadan waxaa uu dul istaagay in shirkaddu kaalin muhiim ah ay ka qaadatay caawinta dadka shacabka, kuwaas oo ka mid ah dhismaha iyo taakuleynta Isbitaalo ku yaala dalka gudihiisa, ka qeyb qaadashda daryeelka caruurta, sida waxbarashada, iyo xiliyada ay jiraan musiibooyinka dabiiciga ah ee ka dhaca dalka.
