kulankaan oo ahaa mid wada tashi ah ayaa waxaa Maanta lagu qabtay Magaalada Muqdisho waxaana uu ujeedkiisu ahaa sidii ay wada shaqeyn dhaw u yeelan lahaayeen Ururka Dhalinyarada Gobolka Banaadir iyo Hay.adaha ka shaqeeya Hormarinta Dhalinyarada waxaana ka qaybgalay Gudoomiye ku xigeenka Arimaha Bulshada Gobolka Banaadir Mudane Iimaan Nuur Iikar iyo Mas,uuliyiin kale.
kulankaas oo ahaa kii ugu horeeyay Ee Ururka Dhalinyarada Gobolka Banaadir uu la yeesho Hay.adaha qabailsan Hormarinta Dhalinta ayaa waxaa ugu horeyn ka hadlay Gudoomiyaha Dhalinyarada Gobolka Banaadir Cabdi Kaafi Maxamuud Makaraan oo sheegay in Muhiimada kulanka ay tahay is barasho iyo sidi ay si dhaw u wada shaqeyn lahaayeen Hay,adahaas iyo Ururka si dhalinyarada Hormarkooda looga shaqeeyo.
“Runtii Muhiimad weyn ayay noo tahay in kulankaan oo ah kii ugu horeeyay ee aan iskugu imaano urur ahaan iyo hay,adaha qaabilsan dhalinyarada ee Caasimada ka jira waxaa muhiimadu tahay in aan marka hore kala warqaadano is barano waxaana rajeynayaa in wada shaqeyn buuxda ay na dhex mari doonto wax walbana ay fududaan doonaan markaas “ayuu yiri Makaraan.
Gudoomiye ku xigeeenka Maamulka Gobolka Banaadir ee dhinaca arimaha bulshada Mudane Iimaan Nuur Iikar oo ka hadlay kulanka wada tashiga ah ayaa waxaa uu la dar daarmay dhalinyarada ka qayb gashay kulankaas waxaana u sheegay in fursad weyn ay haystaan maanta loona baahan yahay in ay ka faa,iideestaan isagoo kula taliyya in ay isku tiirsanaadaan.
“waxaan idinkula dar daarmayaa maanta in aad ka faa,iideysataan fursada aad haystaan Dowladda federaalka ah waxay idinla diyaar tahay fursado istu xirnaada oo wada shaqeyn dhaw yeesha idinku ka hor inta aadnaan hay.adaha caalamiga ah u gudbin waan idinkula talinaa taas waxaad tihiin mustaqbalkii dalkaan barito in aad mideesnaataan waa waajib”ayuu yiri Mr Iikar.
