Munaasabadan oo uu maamulka gobolka Banaadir uu xariga kaga jarayay Waaxda Wajeer ee degmada Kaaraan gobolka Banaadir ayaa waxaa soo qabanqaabiyay maamulka degmada Kaaraan waxaana ka soo qeyb galay mas’uuliyiin ka tirsan maamulka gobolka Banaadir, dadweyne aad u fara badan ee ka kala yimid Waaxyaha ay ka koobantahay degmada Kaaraan,qaar kamid ah Haweenka ku dhaqan degmada kaasi taas oo lagu qabtay xarunta Waaxda Wajeer ee degmada Kaaraan ee magaalada Muqdisho.
Gudoomiyaha degmada Kaaraan ee gobolka Banaadir Axmed Xasan Yalaxow oo ka hadlay goobta ayaa sheegay dadka ku dhaqan degmada kaaran in ay diyaar u yihiin mar walba ka shaqeynta horumarka degmadooda isagoona tilmaamay dib u howlgelinta waaxda Wajeer ay qeyb weyn ka qaadan doonto horumarka degmada.
Gudoomiye ku xigeenka Arrimaha Siyaasada iyo Amniga mamulka gobolka Banaadir Maxamed Aadan Diiriye oo xariga ka jaray waaxda Wajeer ee degmada Kaaraan ayaa ku amaanay maamulka degmada iyo shacabka ku nool degmada sida wanaagsan ay ugu wada shaqeeyaan horumarka degmada isagoona tilmaamay in laga bilaabo xilligan ay furantahay Waaxda Wajeer ee degmada kaaraan ee goboka Banaadir.
Maamulak gobolka Banaadir ayaa maalmahan waday dadaalo uu ku doonayo in uu ku horumariyo degmoyinka gobolka Banaadir.
W/D: Muuse Cismaan Abtow
